ՆԵՐԱԾԱԿԱՆԻ ՓՈԽԱՐԵՆ
Փորձելով խուսափել կաղապարներից` վարդագույն, բազմադարյան կամ այլ պոետիկ պիտակներից ուղղակի ՄԵՐ ԵՐԵՎԱՆԸ: Չնսեմացնելով համացանցում գոյություն ունեցող Երեւանին նվիրված այլ կայքերի գոյությունը, կուզեի շեշտել ամենակարեւորը` Երեւանը մեր քաղաքն է, որտեղ ապրում ենք մենք, երեւանցիներս: Չկա Երեւան առանց իր պատմության, մեր նախնիներից ժառանգած արժեքների, որոնք գոյատեւում են մեր քաղաքի տարբեր շերտերում ինչպես նաեւ մեր հուշերում: Դրանով մենք հաստատում ենք մեր ներկայությունը, նաեւ քաղաքի ներկա գոյությունը:
Եւ հենց այդ պատճառով մենք ցանկանում ենք ապրել Երեւանում քաղաքակիրթ կյանքով, այն է առանց մերժելու քաղաքի պատմական անցյալը ապրել ժամանակակից քաղաքում` ՀԱՐՄԱՐԱՎԵՏ, ԱՌՈՂՋ ԵՒ ԳԵՂԵՑԻԿ:
Գիտակցում եմ, որ որեւէ արդյունքի հասնելու համար միայն ճարտարապետական մասնագիտությունը բավարար չէ: Անհրաժեշտ են բոլորի մասնակցությունը բաց քննարկումների միջոցով:
Սրանք են կայքի հիմնական խնդիրները որի շուրջ ենթադրվում է ձեր մասնակցությունը: Կայքը բաց է բոլոր տիպի եւ բնույթի քննարկումներին միայն մի նախապայմանով` ամեն ինչ ի օգուտ ՄԵՐ ԵՐԵՎԱՆԻ եւ ըստ էության:
Փորձենք օգնել միմյանց Երեւանում ապրելու արժանավույն, ոչ թե մի կերպ գոյատեւելու համար: Հակառակ դեպքում աշխարհում լիքը լավ քաղաքներ կան, եւ շուտով Երեւանում էլ երեւանցի չի մնա…
Կայքի կանոնակարգ
Կայքի վարողը իրավունք է վերապահում ջնջել – հեռացնել խնդրո առարկային չվերաբերվող կամ անձնական բնույթի մեկնաբանություններն ու հղումները: